غزل حمصي لحبيبته!
انتو ما عليكم الا تقروا !!
اتفضلوا .....!
بحبك حب الشباك .......للبرداية
بحبك حب الأرنبيط.....للكوساية
بحبك حب الشلمونة.....للكولاية
لك بحبك حب الطشت....للكبجاية
يا ريت تكون شخبره....وكون انا المحاية
يا ريت تكون قلم ......وكون انا البراية
يا ريت ما تحطلي زء....لما كون انا جاية
بحب ضحكتك يلي متل صوت المعزاية
بحبك حب الدؤونية .....ل لهاية
بحبك حب المألمة .....للشنتاية
يا ريت تكون عوجا .....وكون انا العرباية
يا ريت تكون طربيزة ....وكون انا كنباية
يا مدلوء حياتي...وشعبيات عمري....ووربات بئشطة روحي....يا احلى زبدية محلاية
بحبك حب الريموت .... للتلفزيون
بحبك حب درفة الباب ...للمندلون
بحبك حب بنت اختي الفصعونة...لسبيس تون
بحبك حب رونادينيو للطابة
بحبك حتى لو كان صوتك .....متل موتور الدبابة
سمعني شوي لحتى احكيلك ....الاصة
يا ريت تكون حنفية مي عم تشرشر ....وأنا بعصها
نشالله ما يبلا هالطول ....متل عرئ الفصة
لك يا ريت تكون معي هيكة .. كمشة بزر واعطيك نصا
بحبك حب منير الجبان لكلمة صباح الخير
بحبك حب جهاد سعد ... لبرنامج خبرني ياطير
بحبك حب الآرمة للعامود
بحبك حب الزلائط للمعؤوود
بحبك حب السعادين للقرود
بحبك إذا كنت ... ساكت أو عم تحاكينا
بحبك حب ابن اختي الفصعون لبوظة كارينا...
للامانه منقول
مع تحيات عاشق السهر
الرئيسية 
